𝐃𝐢𝐫𝐞𝐭𝐨́𝐫 𝐄𝐳𝐞𝐤𝐮𝐭𝐢𝐯𝐮 𝐒𝐀𝐒𝐂𝐀𝐒 𝐏𝐚𝐫𝐭𝐢𝐬𝐢𝐩𝐚 𝐋𝐨𝐫𝐨𝐧 𝐑𝐞𝐟𝐥𝐞𝐬𝐚𝐮𝐧 𝐁𝐚 𝐒𝐚𝐮𝐝𝐨𝐳𝐮 𝐏𝐫𝐞𝐳𝐢𝐝𝐞𝐧𝐭𝐞 𝐍𝐢𝐜𝐨𝐥𝐚𝐨 𝐃𝐨𝐬 𝐑𝐞𝐢𝐬 𝐋𝐨𝐛𝐚𝐭𝐨.

𝐈𝐧𝐟𝐨𝐫𝐦𝐚𝐬𝐚𝐮𝐧 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 30-𝟏𝟐-𝟮𝟬𝟮𝟯: sábadu semana ne’e husi Dewan Solidaritas Mahasiswa Pelajar Pemuda Timor Timur (sigla DSMPTT)  hala’o atividade reflesaun ba loron eroi boot saudozu Presidente Nicolao Lobato nian iha sede Suku Leorema Postu Bazartete, munisípiu Liquisa no atividade ne’e hetan apoia fundus husi SASCAS.

Liu husi diskursu Jose Lobato oan mane husi saudozu prezidente Nicolao Lobato hateten katak, dezenvolvimentu saida de’it maka tama iha Leorema presiza ema hotu nia apoio, nune’e bele lori nasaun ne’e ba oin.

“projetu estrada ne’ebé tama iha Leorema ne’e tenke fó mai ha’u, se la fó ha’u projetu tenke empata  tanba ha’u-nia aman maka luta ne’e pensamantu ne’ebé la loos, tanba ne’e maka ha’u fó valór ba Dewan Solidaritas halo, tanba buat ne’ebé sira halo ki’ik maibé ninia valór ne’e boot.”tenik Jose Lobato.

Aleinde ne’e Jose Lobato akresenta, dala barak sidadaun sira ezije governu halo dezenvolvimentu ba Estrada área rurál maibé komunidade barak maka ladún koopera, tanba dudu sai de’it kafé huun ida tenke kompensasaun to’o $.100 ne’e maka sempre sai problema dezenvolvimentu.

Entretantu Sekretáriu Jerál Dewan Solidaritas Mahasiswa Pelajar Pemuda Timor Timur aumenta katak, atu sai masin ba rai maka presiza ema hotu nia kontribuisaun nune’e bele hetan naroman ba mundu tanba ne’e liu husi reflesaun ba loron eroi nasionál sira ne’e presiza ema hotu nia kontribuisaun.

Iha fatin hanesan Diretór Ezekutivu SASCAS Edvin D. Soares Noronha komenta katak, governu bele iha programa di’ak kuandu partisipasaun sidadaun nia maka laiha susar tebes atu alkansa objetivu.

Edvin D. Soares Noronha afirma katak, konseitu konstrusaun estadu no dezenvolvimentu nasionál presiza partisipasaun ativu ema hotu nia hodi lori nasaun ne’e ba oin.

“maun Nicolao mate ho lia fuan  A Ultima Bala é á Minha Vitoria ne’e katak, nasaun ne’e pátria ida povu ida tanba ne’e maka presiza tebes dezenvolvimentu nasaun nian ne’e ema hotu nia partisipasaun, tanba veteranus hotu maka riin ba nasaun” tenik Edvin.

Edvin D. Soares Noronha aumenta nia parte kaer ba lia fuan Jose Lobato nia katak, simu ba buat ne’ebé ema fó no perdua maka sei hetan perdaun no simu mate hodi hetan naroman rohan-laek, tanba ne’e eroi sira nia mate maka nasaun ne’e hamriik ona.

Rekorda katak, atividade reflesaun ne’e hala’o iha sede suku Leorema hodi hanoin hikas Presidente Nicolao Lobato nia mate ne’e monu iha loron 31 Dezembru 1978 iha munisípiu Manufahi, Postu Turiskai Suku Mindelu.

Partisipa iha atividade reflesaun ba loron eroi ne’e maka , OPS suku Leorema, Deputado Leoandro Lobato, diretór ezekutivu SASCAS, oan mane saudozu prezidente Nicolao Lobato, komunidade no família saudozu Nicolao Lobato nian.

REMATA*

𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS

𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦

𝗘𝗱𝗶𝘁𝗼́𝗿𝗡𝗲𝘄𝘀 : 𝗝𝗼𝗻𝗶𝘁𝗼𝗥𝗼𝗻𝗮𝗹𝗱𝗼𝗱𝗲𝗝𝗲𝘀𝘂s