informasaun Media SASCAS data 26-04-2023: kuarta feira semana ne’e diretór ezekutivu SASCAS-PM inaugura sintina ba uma kain hamutuk 17 ne’ebé maka finansia husi SASCAS-PM no implementa husi 𝑮𝒓𝒖𝒑𝒖 𝑯𝒂𝒉𝒖 𝑴𝒐𝒓𝒊𝒔 𝒔𝒂𝒖𝒅𝒂𝒗𝒆𝒍 𝑰𝒉𝒂 𝑲𝒐𝒎𝒖𝒏𝒊𝒅𝒂𝒅𝒆 iha Suku Hera.
Liu husi diskursu badak Diretór Ezekutivu SASCAS-PM Sr. Edvin D. Soares Noronha agradese ba servisu hamutuk 𝑮𝒓𝒖𝒑𝒖 𝑯𝒂𝒉𝒖 𝑴𝒐𝒓𝒊𝒔 𝒔𝒂𝒖𝒅𝒂𝒗𝒆𝒍 ho SASCAS ne’ebé maka konstrui sintina privadu ba família uma kain hamutuk 17.
Sr. Edvin D. Soares Noronha komenta, sintina 17 ne’e halo ba família sira ne’ebé maka laiha duni sintina atu bele fasilita sira hodi labele soe fo’er arbiru, tanba fatin barak maka iha ona sira nia saneamentu rasik kompara ho ne’ebé oferese ne’e sei diferensa tebes.
Aleinde ne’e Sr. Edvin D. Soares Noronha konfesa tinan oin mai SASCAS iha dezeñu sintina estandar ida, bainhira grupu ne’e atu konstrui tan ba komunidade karik iha ona dezeñu ne’ebé adekuadu.
Iha fatin hanesan Xefe Suku Hera hateten, nia parte husu ba iha SASCAS atu kontinua investe nafatin saneamentu ne’e ba komunidade sira, ne’ebé maka daudauk ne’e presiza hela, tanba programa ne’e mós parte Saude hala’o hela maibé haruka komunidade sira maka kee rasik.
Nia aumenta inisiativa SASCAS apoia ba grupu halo saneamentu ba komunidade ne’e di’ak tebes. 𝑅𝑒𝑚𝑎𝑡𝑎*