Informasaun Media SASCAS data 03-08-2023: sesta feira semana ne’e Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária Sua Eximensia eng. Mariano Asanami Sabino hamutuk ho Ministru Agrikultura, Pekuária, Peska no Florestas Sua Eximensia Marcos da Cruz halo lansamentu ba programa habokur karau ne’ebé suporta husi SASCAS.
Enkuantu iha atividade lansamentu ne’e akompaña direita husi
Presidente da repúblika sua exelénsia Dr. Jose ramos Horta, sekretáriu estadu peska, sekretáriu estadu asuntu Veteranus, sekretáriu estadu Koperativa, diretór ezekutivu SASCAS, prezidente CCLN munisípiu Liquisa, no vice Presidente CCLN nasionál no veteranus sira iha suku Lisadila, Postu Maubara, Munispiu Liquisa.
Liu husi diskursu Presidente Republika sua exilensia Dr. Jose ramos Horta hateten katak, nia parte baruk ona ko’alia kona ba setór agrikultura, tanba iha rai ida ne’e povu nunka rona no dadaun ne’e krize boot ida mosu tanba índia proevidu ona importa foos, no fó komesa folin sa’e ona iha kapitál Dili.
sua exelénsia Dr. Jose ramos Horta komenta nia parte dezafia ba atividade CCLN munisípiu Liquisa ne’ebé maka daudauk ne’e hetan ona fundus husi Governu (SASCAS) hodi hakiak karau no kuda husi Delos.
Iha fatin hanesan Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária Sua Eximensia eng. Mariano asanami sabino aumenta katak, tinan 22 ona Timor-Leste restaura ninia indepedensia foin primeira vez maka aumenta tan dezenvolvimentu rural e abitasaun tanba ne’e presija hotu hotu nia esforsu tau iha kabas.
Sua Eximensia eng. Mariano asanami konfesa depois orsamentu ratifikativu aprova governu sei tun bai ha baze hodi hare suku no aldeia ida ida nia potensialidade atu hasa’e produsaun auto- sufisiente tanba ne’e ema hotu tenki hamutuk para halo mudansa ba setór produtivu hotu.
Diretór ezekutivu SASCAS Sr. Edvin D. Soares Noronha hateten, iha inísiu 2021-2022 SASCAS iha memorandum entendimentu ida ho CCLN nasionál selebra akordu ida atu servisu hamutuk atu tutela orsamentu CCLN nia ba iha SASCAS hodi halo jestaun administrativa.
Sr. Edvin D. Soares Noronha akresenta katak, iha akordu orsamentu ne’e nia objetivu maka atu atribui orsamentu ne’e ba membru CCLN iha munisípiu 13 hodi halo atividade ekonómiku no edukasaun. 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎 𝑆𝐴𝑆𝐶𝐴𝑆