Informasaun Media SASCAS data 31-08-2023: Segunda feira semana ne’e Diretóra JSMP (Judicial System Monitoring Program) Sra. Ana Paula Marçal hamutuk ho nia ekipa asina ona fundus subvensaun publika ne’ebé maka atribui husi SASCAS ba JSMP nia programa.
Aleinde fundus ne’ebé maka parte JSMP hetan ne’e sei ezekuta ba halo monitorizasaun iha Tribunál no Parlamentu Nasionál liu husi advokasia sira ba hasa’e hadi’a no promove servisu no funsionamentu seitor justisa nian inklui monitorizasaun ba tribunál sira.
Enkuantu atividade ida maka JSMP sei halo edukasaun sívika ka treinamentu, ba komunidade kona ba demokrasia knaar órgaun soberanu sira nia no partisipasaun públiku nian iha eleisaun no iha progresu halo lei nune’e mós asesu ba justisa formál.
Hafoin Diretóra JSMP asina tia MoU ho SASCAS Diretór Ezekutivu SASCAS husu ba ekipa JSMP atu ezekuta orsamentu ne’ebé iha ba programa sira iha JSMP tuir nia dalan, hodi hetan progresu di’ak.
Atu informa katak, serimónia simbolikamente ba asina MoU ho parseiru estratéjiku sira ne’e hala’o tia ona iha loron 28 agostu 2023 iha salaun CNE ne’ebé maka partisipa diretamente husi Visi primeiru Ministru sua exelénsia En. Mariano Asanami Sabino. 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎