𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 𝟮8-𝟬𝟵-𝟮𝟬𝟮𝟯; kinta feira semana ne’e asosiasaun Turismu relijiozu Timor-Leste hala’o reuniaun hodi aprezenta progresu servisu no koordenasaun ba Diretór Adjuntu Subvensaun Publika Sr. Isaias soares Guterres kona ba sira nia planu ba situs turizmu relijiozu sira.
Tuir Diretór Ezekutivu ATR-TL Sr. Manuel Vong hateten katak, programa boot ne’ebé maka ATR-TL hala’o daudauk maka kona ba estabelesimentu núkleu tanba asosiasaun ne’e hanesan mahon ba relijiaun lima ne’ebé maka eziste iha Timor-Leste.
Sr. Manuel Vong aumenta hare ba organizasaun atu armonia dezenvolvimentu to ba iha baze ATR-TL servisu hamutuk ho SASCAS nia apoia hodi estabelese núkleu sira, no núkleu ne’e atu armonia dezenvolvimentu komunidade iha turizmu ba área hotel no restorante sira.
Rev.Pr Angelo salsinha aumenta , ATR-TL nia servisu hamutuk maka hamosu ona dezeña ba turizmu relijiozu iha Golgota hanesan faze ida ne’ebé foin hahú no komesa atu la’o iha programa sira.
Por enkuantu Rev.Pr Angelo salsinha afirma relijiaun ne’e tuir lolos ko’alia de’it ba fiar no salvasaun maibé hare katak, la’ós de’it ida ne’e, maibé salvasaun ema ho integradu, isin ho klamar tanba ne’e maka nu’udar sosiedade sivíl hakarak tau importánsia mós ba turizmu relijiozu.
Iha fatin hanesan Diretór Adjuntu Subvensaun Publika Sr. Isaias Soares Guterres hateten, aprezentasaun programa ATR-TL ne’e di’ak tebes , maibé SASCAS mós presiza hare ba IX Governu konstituisional nia programa kona ba turizmu, liga mos ba ATR-TL nia programa. Remata*
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 𝗠𝗘́𝗗𝗜𝗔 𝗦𝗔𝗦𝗖𝗔𝗦
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀