Informasaun 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 27-1𝟬-𝟮𝟬𝟮𝟯: mane ho vizaun foun (sigla MHVF) hala’o formasaun kona ba prevensaun violénsia bazeia ba jéneru iha munisípiu Viqueque.
tuir Diretór MHVF Americ0 De Araujo katak, objetivu ba fó formasaun ne’e hare liu ba inan aman sira kona ba kona-ba violénsia bazeia ba jéneru iha munisípiu Viqueque,suku Baharawain ,Aldeia Wetalitua.
Nia aumenta formasaun ne’e oinsá atu bele prevene konflitu iha família ida nia laran atu moris ho harmonia.
diretór MHVF Americo dé Araujo hateten nia parte moos agradese ba SASCAS ne’ebé fó apoia ba fundus ba organizasaun mane ho vizaun foun atu halo atividade iha munisípiu no suku sira.
Enkuantu nia dehan formasaun ne’e komunidade sira oinsá bele hamenus problema iha família ida nia laran hodi kria pás no estabilidade.
Iha fatin hanesan Jestór SASCAS Nori Maria Soares hateten SASCAS apoia ba organizasaun mane ho vizaun foun hodi fó formasaun kona ba violénsia bazeia ba jéneru ba komunidade sira hodi redús konflitu iha sira nia família.
Aleinde ne’e Nori Maria Soares akresenta nia parte, husu ba partisipante sira atu tuir formasaun ne’e ho di’ak atu nune’e hodi bele halo prevensaun ba violénsia bazeia jéneru. REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀