𝐃𝐢𝐥𝐢 𝟐𝟏 𝐌𝐚𝐫𝐬𝐮 𝟐𝟎𝟐𝟒: Kinta Feira semana ne’e Koordenadór Gabinete Apoio Sosiedade Sivíl(sigla GASC) Eng. Joaquim da Costa Freitas abertura forum diálogu ho tema” Timor-Leste ba organizasaun mundiál komérsiu (sigla OMK) hare mós vantajen no dezvantajen.
Enkuantu forum organizasaun naun- govermental Timor-Leste nu’udar asosiasaun ba ONG lokál nasionál inklui internasionál hamutuk 286.
Diretór ezekutivu FONGTIL Valentin Pinto hateten katak, setór privada ne’e sai hanesan ajente importante ba dezenvolvimentu nasaun nian.
Valentin Pinto afirma,setór privadu maka sai nu’udar parseiru ne’ebé di’ak atu hamenus empregu iha rai laran, la’ós governu, tanba governu kada tinan lima sempre iha rotasaun.
Tuir Koordenadór Gabinete Apoio Sosiedade sivíl(sigla GASC) Eng. Joaquim da Costa Freitas katak, FONGTIL nia membru hamutuk 286 maibé proposta ne’ebé maka tama iha GASC besik 300.
“apresiasaun di’ak liu ne’e maka ita bolu malu parseiru, iha situasaun balun ne’ebé maka akontese iha Timor mais iha mundu seluk apoia fundus governu ba sosiedade sivíl halo ita sai parseria tia, ita hanesan pais balun iha CPLP ita hetan iha Brazíl, Portugal ho Timor-Leste, tuir informasaun ne’ebé ha’u hatene iha pasífiku mós lae, tanba ne’e sira dehan imi sorte governu tau atensaun ba sosiedade sivíl”. tenik Eng. Joaquim da Costa Freitas.
Aleinde ne’e Eng. Joaquim da Costa Freitas komenta katak, iha ema balun dehan governu fo tia osan ba sosiedade sivíl se maka kritika fali governu, tanba akordu ne’ebé asina laiha artigu ida maka bandu kritika governu.
Eng. Joaquim da Costa Freitas hateten kritika ne’ebé maka konstruktivu no di’ak governu sei halo tuir no kritika ne’ebé maka ladún di’ak sei haluhan tia.
Rekorda mós katak, objetivu husi diálogu ne’e maka atu hetan input kona ba vantajen no dezvantajen Timor-leste ba OMK no sosiedade sivíl mós bele atende kona ba importánsia Timor-Leste adere ba organizasaun mundiál komérsiu hodi nune’e bele dudu prosesu dezenvolvimentu no diversifikasaun ekonomia rai laran. Remata *
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 M𝗲́𝗱𝗶𝗮 𝐆𝐀𝐒𝐂.
Editór notísia : Jonito Ronaldo