𝐆𝐥𝐞𝐧𝐨 𝟎𝟓 𝐚𝐠𝐨𝐬𝐭𝐮 𝟐𝟎𝟐𝟒: semana kotuk 02/08/2024 Koordenadór Gabinete Apoiu Sosiedade (sigla portugés GASC) hala’o enseramentu ba treinamentu Kulinaria iha prizaun Gleno ne’ebé maka implementa husi HDS apoiu finanseiru husi GASC.
Entretantu atividade ida ne’e objetivu atu hasa’e koñesimentu rekluzu feto sira nian iha área kulinaria hodi kontribui ba ekonomia Familia iha Futuru.
Tuir Diretór Haktanek Direitu sidadaun sigla (HDS) Leão dos Santos hateten, HDS nia ajuda dezde 2013 to’o agora iha área oioin hanesan agro- floresta, kulinaria, kustura, halo Rai metan, fo Formasaun analfabetu, formasaun sira ne’e Fo ba sira tanba ema hanoin katak prizaun mak fatin ne’ebé fó kastigu ba dadur sira maibé lae, prizaun sai hanesan fatin formasaun ida ba dadur sira atu nune’e sira sai ba li’ur karik sira bele loke rasik sira nia negósiu nune’e bele ajuda sira nia família iha futuru.
Diretór HDS mós aumenta formasaun ne’e hala’o atu bele hasa’e koñesimentu durante fulan tolu (3) objetivu husi formasaun ne’e atu sai ba li’ur bele haforsa rendimentu iha família.
Iha fatin hanesan Formandu sira komenta katak sira sente orgulho tebes tanba sira bele hetan treinamentu ida ne’e nune’e bele aumenta sira nia esperiénsia no espera katak ba oin formasaun ne’e bele kontinua nafatin.
Maske nune’e Diretór Ezekutivu Fongtil Valetim da Costa Pinto informa katak Forum ONG TL hanesan mahon ba ONG iha Timor Leste hodi tau matan ba asuntu espesífiku sira, hanesan membru FONGTIL hakarak hato’o agradese ba GASC tanba bele fó apoiu liu husi HDS hodi realiza atividade ida ne’e.
Entretantu Koordenadór Gabinete Apoiu Sosiedade (sigla portugés GASC) Eng. Joaquim da Costa Freitas informa katak ema ida-idak mai ho nia esperiénsia rasik, tanba ne’e husu ba HDS atu kontinua fó formasaun ba dadur sira atu bele hakle’an liu tan sira nia koñesimentu iha área kulinaria nian.
Koordenadór GASC aumenta HDS kontinua fó formasaun tanba ida ne’e prosesu no oportunidade koko atu aproveita didi’ak oportunidade ida ne’e.
“𝑎𝑝𝑟𝑒𝑠𝑖𝑎𝑠𝑎𝑢𝑛 𝑏𝑎 𝑞𝑢𝑎𝑟𝑑𝑎 𝑝𝑟𝑖𝑧𝑖𝑜𝑛𝑒𝑖𝑟𝑢 𝑠𝑖𝑟𝑎 𝑛𝑖𝑎 𝑎𝑡𝑒𝑛𝑠𝑎𝑢𝑛 𝑏𝑎 𝑝𝑟𝑖𝑧𝑖𝑜𝑛𝑒𝑖𝑟𝑢 𝑠𝑖𝑟𝑎 𝑒 ℎ𝑎𝑡𝑜’𝑜 𝑚𝑜́𝑠 𝑝𝑎𝑟𝑎𝑏𝑒́𝑛𝑠 𝑏𝑎 𝑝𝑟𝑖𝑧𝑖𝑜𝑛𝑒𝑖𝑟𝑢 𝑠𝑖𝑟𝑎 𝑡𝑎𝑛𝑏𝑎 ℎ𝑒𝑡𝑎𝑛 𝑜𝑛𝑎 𝑓𝑜𝑟𝑚𝑎𝑠𝑎𝑢𝑛 𝑖ℎ𝑎 𝑓𝑎𝑡𝑖𝑛 𝑖𝑑𝑎 𝑛𝑒’𝑒, 𝑒 𝑝𝑎𝑟𝑎𝑏𝑒́𝑛𝑠 𝑚𝑜́𝑠 𝑏𝑎 𝐻𝐷𝑆 𝑡𝑎𝑛𝑏𝑎 𝑏𝑒𝑙𝑒 𝑠𝑎𝑖 𝑝𝑎𝑟𝑠𝑒𝑖𝑟𝑢 𝑑𝑢𝑟𝑎𝑛𝑡𝑒 𝑡𝑖𝑛𝑎𝑛 𝑛𝑎𝑟𝑢𝑘 ℎ𝑜 𝐺𝐴𝑆𝐶”.dehan koordenadór GASC 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 M𝗲́𝗱𝗶𝗮 𝐆𝐀𝐒𝐂.
Hakerek ekipa
Editór Notísia : 𝐉𝐨𝐧𝐢𝐭𝐨 𝐑𝐨𝐧𝐚𝐥𝐝𝐨