![]()
𝐀𝐥𝐚𝐬 𝟐𝟖 𝐚𝐠𝐨𝐬𝐭𝐮 𝟐𝟎𝟐𝟒 tersa feira semana ne’e 27/08/ 2024, Koordenador gabi
nete apoiu sosiedade sivíl (sigla portugés GASC) Eng. Joaquim Freitas halo Lansamentu ba Kontinusaun Konstrusaun Uma ka Residência Comunidade Madre CIJ. Orfanatu St. Henricus Weberek Alas munisípiu Manufahi.
Enkuantu iha lansamentu ne’e, marka prezensa husi, Diret
ór Jerál Unidade Jestaun Projetu Ministériu Saude, Xefe Suku.
Antes hahú Lansamentu ba kontinuasaun Konstrusaun Uma/Residência Comunidade Madre CIJ Orfonato St. Henricus Weberek ne’e, hetan mós bénsaun husi Pe. Eugênio.
Reprezentante Comunidade Madre CIJ iha Timor-Leste hateten nia parte apresiasaun no agradesimentu ba Sua Exelensia Primeiru-Ministru IX Governu Konstitusional no Gabinete Apoiu Sociedade sivíl (sigla portugés GASC) ba apoiu kontinuasaun konstrusaun Uma/Residência Comunidade Madre CIJ Orfonato St. Henricus Weberek nian.
Reprezentante ne’e mós informa katak prezensa CIJ iha Timor-Leste iha Weberek-Alas hahú iha tinan 1994 ne'ebé prodús mós rekursu umanu sira hanesan balun sai Padre, Madre, Funsionariu, Profersor/á sira.
Aleinde ne’e Diretór Jerál Unidade Jestaun Projetu Ministériu Saude, Adelia, komenta nia parte apresiasaun ba madre sira nia esforsu hodi tomak servisu no halibur alin sira iha orfanatu ne’e ne'ebé mai husi problema inan-aman sira.
Xefe Suku Dotik aumenta nia parte agradese no orgullu ba Madre CIJ sira ne'ebé bele koopera di'ak ho GASC ba lansamentu ba obra ne'ebé hahú iha tinan 2011 no obra ne’e hanesan kontinuidade.
Iha fatin hanesan Koordenadór Gabinete Apoiu Sosiedade Sivíl (sigla portugés GASC) Eng. Joaquim da Costa Freitas hatete, kompañia la'ós buka de'it lukru, maibé fó mós kontribuisaun ba obra, tanba iha rain rasik.
“𝑖ℎ𝑎 𝑒𝑠𝑝𝑒𝑟𝑎𝑛𝑠𝑎 𝑏𝑜𝑜𝑡 𝑏𝑎 𝐼𝑋 𝐺𝑜𝑣𝑒𝑟𝑛𝑢 𝐾𝑜𝑛𝑠𝑡𝑖𝑡𝑢𝑠𝑖𝑜𝑛𝑎𝑙, 𝑜𝑏𝑟𝑎 𝑛𝑒’𝑒 𝑎𝑛𝑡𝑒𝑠 ℎ𝑎ℎ𝑢́ 𝑜𝑛𝑎, 𝑛𝑜 𝐺𝐴𝑆𝐶 𝑘𝑜𝑛𝑡𝑖𝑛𝑢𝑎 𝑜𝑏𝑟𝑎 𝑛𝑒’𝑒 ℎ𝑜𝑑𝑖 𝑓𝑖𝑛𝑎𝑙𝑖𝑧𝑎.” Dehan Koordenador GASC
Maske nune’e Eng. Joaquim da Costa Freitas salienta katak, konstrusaun tomak responsabilidade Madre CIJ nian no pagamentu hotu-hotu tenke ho koñesimentu no autorizasaun husi GASC, kompañia mós tenke koordena ho Madre CIJ sira ho di'ak hodi responsabiliza no asegura obra ne’e to’o hotu ho kualidade to’o inaugura. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 M𝗲́𝗱𝗶𝗮 𝐆𝐀𝐒𝐂.
Hakerek : ekipa
Editór Notísia : 𝐉𝐨𝐧𝐢𝐭𝐨 𝐑𝐨𝐧𝐚𝐥𝐝𝐨