Informasaun Media SASCAS data 18-04-2023: tersa feira semana ne’e Diretór Ezekutivu SASCAS-PM sr. Edvin D. Soares Noronha halo abertura ba sentru Informasaun Elisaun Parlamentár 2023 ne’ebé maka kria husi FONGTIL no hetan apoia finanseiru husi SASCAS-PM no OXFAM
Tuir Diretór ezekutivu FONGTIL Sr. Valentin Pinto hateten, sentru informasaun ne’ebé maka FONGTIL estabelese sei hare ba prosesu kampaña to ba eleisaun Parlamentár ne’ebé maka sei hala’o iha 21 maio 2023.
Sr. Valentin Pinto komenta liu tan katak, sentru informasaun ne’e sei monitoriza ba sentru votasaun iha nivel Nasionál no estranjeiru, hodi relata ba iha públiku karik iha problema ruma, parte sosiedade sivíl sei halo koordenasaun ho instituisaun relevante sira.
Iha fatin hanesan Diretór Ezekutivu SASCAS-PM sr. Edvin D. Soares Noronha hateten katak, SASCAS hanesan instituisaun ida ne’ebé intermediariu ba sosiedade sivíl sira hodi lori sira nia hanoin ba iha nivel altu sira no FONGTIL nia knaar ida maka tau matan, akompaña no monitorizasaun ba lalaok governu nia.
Aleinde ne’e sr. Edvin D. Soares Noronha aumenta nia parte iha esperansa ba sosiedade sivíl sira atu fó kontribuisaun ba iha STAE no CNE oinsá maka bele garantia eleisaun ne’ebé mai ho transparénsia, Demokrisia, tuir konstituisaun haruka.
Iha fatin hanesan reprezentante Diretor STAE hateten, tinan ida ne’e Presidente Republika veta tia lei ba livre votasaun, tanba ne’e sidadaun hotu sei vota tuir fatin resenseamentu ne’ebé sira iha. 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎 𝑆𝐴𝑆𝐶𝐴𝑆-𝑃𝑀