𝐈𝐧𝐟𝐨𝐫𝐦𝐚𝐬𝐚𝐮𝐧 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 30-𝟏𝟏-𝟮𝟬𝟮𝟯: kinta feira semana ne’e ekipa Assosiasaun Dalan ba Naroman (sigla ADBN) distribui ekipamentu pineira rai-henek no mós materiál salva an nian ba komunidade pineira sira hamutuk na’in 15 iha mota Manleuana.
Enkuantu komunidade pineira sira ne’ebé ohin simu ekipamentu sira ne’e mai hosi suku Manleuana no Comoro, postu administrativu Dom Aleixo Munisípiu Díli.
Iha âmbitu distribuisaun ekipamentu ne’e, Direitór Ezekutivu ADBN, Noel Soares Pinto apela ba komunidade pineira sira atu labele pineira rai-henek besik bronjong no ponte sira hodi evita estragus fasilidade públiku.
Aleinde ne’e Direitór Ezekutivu ADBN, Noel Soares Pinto ADBN mós enkoraja komunidade pineira sira atu nafatin kolabora ho ekipa ADBN hodi konsensializa ema hotu-hotu evita soe fo’er arbiru iha mota laran hodi bele asegura ambiente moos no saudavel.
Direitór Ezekutivu ADBN, Noel Soares Pinto komenta programa tuir mai ADBN sei distribui tan ekipamentu hanesan ba komunidade pineira sira hamutuk na’in 15 iha suku Madohi no Bebonuk nian iha semana oin mai.
Nia dehan hosi tinan 2022 – mai to’o tinan 2023 agora, ADBN konsege distribui ona ekipamentu pineira rai-henek no materiál salva an nia ba komunidade pineira sira hamutuk 144.
“Mai Ita Haforsa Komunidade Pinheirus Sira Nian Servisu Hodi Kontinua Muda Kapital Díli Nian Imajen Furak ba Mundu”.tenik Noel Soares Pinto
Serimónia fahe ekipamentus ne’e Ema ida simu Karosa 1, Rede númeru 1: 1, Rede númeru 2 : 1Rompi : 1 Kapasete salva an: 1 Botas : pakote 1 Aisuak besi : 1 Kanuru pineira rai-henek ki’ik boot : 2 Maskra : 1.
Orsamentu ne’ebé aloka ba sosa ekipamentu sira ne’e hetan apoia hosi Serviços de Apóio á Sociedade Civil e Auditoria Social (SASCAS-VPM) liuhusi subvensaun públika. remata
MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂s