𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 11-1𝟬-𝟮𝟬𝟮𝟯: papél edukasaun fatór importante tebes ba ema hotu iha Timor-Leste hahú husi ema ho defisiénsia to ema normál.
Relasiona ho kestaun ne’e Diretór AHDMTL Gabriel dé Souza hateten, ministériu edukasaun iha programa ko’alia kona ba inkluzaun fó formasaun ba manorin na’in Sira no maneira oinsá atendimentu ba ema ho defisiénsia Sira.
Nia komenta AHDMTL servisu hamutuk ho SASCAS no parseira Sira seluk oinsá atu halo identifikasaun no Monotorizasaun fila Fali ba Sira nia implementasaun hodi hare inklui ema ho defisiénsia nia partisipasaun nune’e bele hato’o ba parte Relevante.
Reprezentante FONGTIL Lorenco Tito Mendoza Lopes hateten Forum ONG Timor-Leste hanesan mahon ba ONG Sira hotu inklui AHDMTL mós hola parte membru FONGTIL, tanba membru Fongtil Hamutuk 260 ne’ebé maka iha Nasional, lokál no Internasional ho mandatu Ida ne’e fahe informasaun Halo koordenasaun ho parseira Sira no mos halo advokasia no empodera Sociedade Civil bele iha informasaun kapasita tulun Governo ba dezenvolvimentu.
Lorenso Tito Mendosa Lopes hateten AHDMTL hetan moos fundus husi servidór Sociedade Civil ba iha auditoria sosiál ,oinsá partisipasaun komunidade atu bele hare prestasaun servidór públiku fó benefísiu ba komunidade no espesífiku liu ba edukasaun inkluzivu oinsá sosiedade sivíl Nia monitorizasaun hodi hare ba Ema ho defisiénsia hodi hetan oportunidade.
Reprezentante diretór Ezekutivu SASCAS Jose da Silva, aumenta nia parte husu ba AHDMTL atu ezekuta ho di’ak fundus ne’ebé hetan husi SASCAS no tenke implementa di’ak no tenke preparadu atu Simu ho nune’e auditoria sosiál nia konseitu ba desentralizasaun administrativu.
Tuir Jose Da Silva katak tinan ida ne’e munisípiu Ainaro projetu lubuk ida husi SASCAS nia espera autoridade munisipál tenke hare organizasaun ne’ebé implementa programa iha munisípiu Ainaro.
Enkontru Preleminariu Auditoria sosiál ba monitorizasaun husi implementasaun programa edukasaun inkluzivu iha munisípiu Ainaro hetan partisipasaun husi Chefe dé postu administrativu Ainaro Administrator Ainaro diretór edukasaun munisípiu Ainaro, koordenadór KD-RENAS Fongtil MSSI Munisipio Ainaro. Remata.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀