𝐈𝐧𝐟𝐨𝐫𝐦𝐚𝐬𝐚𝐮𝐧 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 𝟎𝟖-𝟏𝟏-𝟮𝟬𝟮𝟯: kuarta feira semana ne’e amu parókia igreja Aimutin Comoro hala’o enkontru ho Diretór Ezekutivu kona ba prosesu igreja Aimutin nian.
Tuir Padre Parókia Igreja Aimutin Imaunel Talo Hateten katak, nia parte ho ekipa mai hala’o audiénsia ho Diretór Ezekutivu SASCAS hare ba karta ne’ebé maka dirije ba igreja Aimutin no parte igreja tuur hamutuk halo ona enkontru hodi hare ba pedidu lima ne’ebé maka Haruka ba iha parókia Aimutin.
Tuir padre parókia Aimutin katak, audiénsia ida ho SASCAS ne’e atu buka naroman ida ba iha igreja Aimutin atu prepara di’ak liu tan ba relatóriu sira, maibé husi pedidu lima ne’e iha parte tolu igreja bele prepara maibé 2 maka presiza ninia klarifikasaun.
Responde ba amu parókia Aimutin nia preokupasaun Diretór Ezekutivu SASCAS Edvin D. Soares Noronha hatete katak, pedidu sira ne’e maka SASCAS husu ba iha parókia Aimutin ne’e tanba check list husi ADN maka ezije tanba dokumentu ne’ebé SASCAS manda ba ADN sempre Haruka fila tanba la kompletu.
Enkuantu Edvin D. Soares Noronha afirma estandarte check list sira ne’e mai husi ADN ba fíziku obra hotu bainhira halo apresiasaun ba obra nia andamentu tomak presiza parte igreja kompleta lai pedidu ne’ebé mai husi ADN. REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀