Informasaun média SASCAS data 05-04-2023, tersa feira semana ne’e ekipa SASCAS-PM reprezenta husi Sr. Jose da Silva partisipa iha asina akordu entre Diosese Baucau ho Ministru Finansas kona ba konstrusaun parókia sao Paulo Lospalos liu husi Fundus subvensaun Publika ho montante 1 milloens.
Entretantu testemuña ba asina akordu ne’e maka Administrador Diocesse Baucau, Pe. Alipio Gusmao, Provensial saleziano Timor-Leste, Pe. Anacleto Pires SDB, no Pe. Venansio Fatima Freitas SDB, Representa parókia sao Paulo Lospalos.
Por enkuantu Presidente komisaun sr. Julio Maria de Jesus Canto hateten, Orsamentu subvensaun Públika ne’e nia objetivu maka hodi finansia konstrusaun igreja parókia foun São Paolo Lospalos hodi fó benefísiu ba sarani sira iha fatin refere.
Aleinde ne’e sr. Julio Maria dé Jesus Canto aumenta nia parte agradese ba apoia tomak husi gabinete Primeiru Ministru no SASCAS-PM.
Iha fatin hanesan Ministru Finansa sua exelénsia sr. Dr. Rui Gomes hatete, VIII Governu konstitusionál asina ona orsamentu ho montante 1 milloens hodi konstrui parókia foun iha Munisipiu Lauten hodi fasilita sarani sira. Remata*
Informasaun Ofesial husi Media SASCAS-PM