𝐎𝐞-𝐂𝐮𝐬𝐬𝐞 𝟑𝟎-𝐣𝐚𝐧𝐞𝐢𝐫𝐮 -𝟐𝟎𝟐𝟒: Atu hadi’a Sistema sanitariu saudavel iha suku Laran organizasaun Lokal Asosiasaun Lifau we’e Suli distribui Ekipamentu Sanitariu hanesan Sintina ka Closset ba komunidade Aldeia tolu iha Suku Lifau / kompostu husi Aldeia tolu hanesan Aldeia Tula ika, Aldeia Oe-Molo no Aldeia Nefo bai.
Tuir informasaun ne’e média SASCAS asesu husi rádiu Atoni Lifau katak, Iha atividade distribuisaun ne’e Organizasaun Lifau we’e suli distribui ba benefisiáriu hamutuk uma kain lima nulu resin neen ho totál Sintina ka Coloset hamutuk haat nulu resin lima inklui hariis fatin hamutuk sanulu resin haat.
Diretór Asosiasaun Lifau We’e Suli Benedictos Da Costa Heteten katak distribuisaun ekipamentu sanitaria hirak ne’e bazeia ba problema Sistema santiariu iha suku laran tanba maioria komunidade sira seidauk uza sistema sanitaria ne’ebé di’ak nune’e bele hamosu moras oin-oin iha suku laran no distribuisaun ne’e mós responde nesesidade bázika liuliu ba área sanitaria iha suku tanba komunidade sira durante ne’e, Soe Foer boot la uza Sintina ho di’ak .
Diretór ne’e hatutan katak objetivu husi Aktividade Ida ne’e Mos atu responde nesesidade báziku iha parte ijiene hodi minimiza komunidade labele soe fo’er boot arbiru iha li’ur inklui promove Saúde Ambiental.
Benedictus mós deklara katak Apoiu Fundus ne’e mai husi Servisu Apoiu Sosiadade Civil no Auditoria Sosial.
Tomazia Tae” husi Aldeia Tula Ika hateten katak sira nia Parte kontente tebes ho apoiu ida ne’e tanba bele ajuda ona sira harii fasilidade hariis fatin no sintina atu minimiza komunidade soe fo’er boot arbiru iha li’ur tanba durante maioria komunidade iha Ami nia Aldeia seidauk uza sintina saudavel no ijiene no sai hanesan problema sosiál.
Entretantu Iha parte seluk Agustinho Sila husi Oe-Molo hato’o Agradese tebes ba Asosiasaun Lifau We’e Sili tanba bele ajuda tebes sira hodi hetan sintina saudavel iha sira nia hela fatin.
xefe suku Lifau Lifau Delfino Sole hateten katak Aktividade ida ne’e nu’udar Elementu importante iha suku tanba ajuda dezenvolvimentu suku iha parte saúde ijiene nune’e nia parte husu ba benefisiáriu sira atu uza fasilidade Sanimentu ho di’ak hodi redús moras hada’et sira iha suku laran no mós rekomenda ba Governo atu kontinua ajudus fundus hirak ne’e tanba uma kain tolu nulu resin neen maka seidauk hetan apoiu materiál Sanimentu iha Ami nia suku ida ne’e.
Marka prezensa iha atividade ida ne’e Lider komunitáriu sira kompostu husi Aldeia tolu xefe dé suku inklui Ofisial polísia suku Lifau.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 𝗺𝗲́𝗱𝗶𝗮 𝗦𝗔𝗦𝗖𝗔𝗦.