Informasaun 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 26-1𝟬-𝟮𝟬𝟮𝟯: ASSEPOL hala’o mini konferénsia iha munisípiu Viqueque ho nia objetivu atu aprova planu estratéjiku (World Plan).
Liu husi intervensaun badak jestóra SASCAS Nori Maria Soares hateten, konferénsia ne’e importante tebes ba iha organizasaun ida oinsá maka bele halo nia planu estratéjiku ho di’ak nune’e sai hanesan matadalan ida ba instituisaun.
Nori Maria Soares aumenta, papél SASCAS nia maka hala’o nia knaar tuir lei Haruka hodi fó apoia ba Asosiasaun, Fundasaun, ONG, Grupu, Religiosos no organizasaun rezisténsia sira nia programa nune’e sira bele implementa atividade iha ida-idak nia iha komunidade nia laran.
Nia aumenta SASCAS antes ne’e tutela ba iha Primeiru Ministru maibé daudauk ne’e tutela fali ba iha Visi Primeiru Ministru II maibé ninia natureza jurídiku iha autonomia administrativa no finansas rasik.
iha fatin hanesan Prezidente ASSEPPOL Jacinto Alves hateten nia parte agradese ba SASCAS ne’ebé maka fó ona apoia fundus ba ASSEPPOL nia programa hodi hala’o nia atividade iha munisípiu sira, atu foti dadus hodi rejistu eis prizioneirus sira
Atividade Mini konferénsia munisípiu ne’ebé hala’o iha munisípiu Viqueque ne’e hetan partisipasaun ema hamutuk 51 ne’ebé mai postu administrativu 6 iha munisípiu Viqueque.
entretantu atividade refere hetan moos partisipasaun husi prezidente Asseppol, komandante PNTL munisípiu Viqueque, administradór munisípiu Viqueque.
konferénsia durante loron 2 ne’e sei halo diskusaun no aprovasaun ba rejimentu planu estratéjiku ASSEPPOL nia ba iha futuru oin mai. REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀