𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 07-1𝟬-𝟮𝟬𝟮𝟯: Tekniku espesialidade M&E reprezenta SASCAS partisipa atividade enkontru Kona ba atividade auditoria sosiál ba implementasaun sistema be mós iha área rurál ho utilizasaun kartaun pontuasaun komunitária iha munisípiu Covalima.
Liu husi enkontru ne’e autoridade lokál Casabauk reprezenta suku sira seluk hateten, bee mós parte importante maibé durante ne’e maioria populasaun iha postu Timiomar susar tebes atu hetan bee mós.
Enkuantu parte KD RENAN informa auditoria sosiál hanesan instrumentu oinsá atu halo diálogu entre governu ho komunidade sira atu bele hadi’a servisu públiku sira nia preokupasaun sira iha baze atu bele solusiona rezultadu ne’e ne’e di’ak.
Diretór servisu planeamentu Sr. Albino Lelo ne’ebé Representante Administrador munisípiu Covalima hateten, nia parte agradese tebes ba PN BESI TL bele Mai halo atividade auditoria sosiál liga ba bee no saneamentu, tanba ne’e apoiu nafatin halo advokasia ba komunidade sira ne’ebé halerik ba bee mós no saneamentu.
Sr. Albino Lelo afirma Program barak governu halo ona ba ba komunidade maibé komunidade Mak konsensus la iha no estraga nafatin fasilidade sira ne’ebé governu apoiu ona.
Tékniku espesialidade M&E SASCAS sr. Jose da Silva aumenta katak presiza muda mentalidade komunidade nian atu sai na’in ba dezentendimentu no oinsá komunidade sira bele envolve iha kolaborasaun atu nune’e bele kombate kiak no mukit Liu Liu halo advokasia atu bele hadi’a bee mós.
Nia dehan halo infraestrutura ba komunidade no komunidade sira Persija tau matan no halo planeamentu hamutuk iha baze to iha nivel nasionál.
Hafoin aprezentasaun hotu entrega kedas lista projetu ba reprezentante Administrador munisípiu Covalima hodi nune’e munisípiu bele akompaña NGO no grupu komunitária sira halo atividade iha Municipiu laran.
Atividade ne partisipa hosi Rep. Administradór munisípiu Covalima,diretór servisu NGO servisu komunitária, Rep.Diretor FONGTIL,Rep. KD RENAS, administradór postu administrativa Tiliomar, koordenadór PN BESI TL, Xefe suku suku Casabauk,Lalawa , Beiseuk,Maudemo,.remata
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀