Informasaun Media SASCAS data 31-08-2023: kinta feira loraik semana ne’e organizasaun sosiedade sivíl no grupu sira maka hanesan Clinika Bairo Pite, Organizasaun Timor Vision, CTRA no Grupu Unidade Juventude Foin-Sa’e, Fundasaun Feto Hadomi Timor asina tan ona kontratu subvensaun publika ho SASCAS.
Enkuantu atividade asina akordu ne’e ho nia objetivu atu implementa didi’ak orsamentu ne’ebé maka SASCAS fó apoia ba organizasaun sosiedade sivíl sira nia programa ne’ebé maka implementa iha baze.
Iha enkontru ne’e diretór Clinika Bairo-Pite Sr. Inacio dos Santos agradese ba SASCAS nia apoia fundus ba iha klínika nune’e bele halo atendimentu ba iha komunidade sira ne’ebé maka presiza tulun hodi halo tratamentu ba sira nia saúde.
Enkuantu iha asina kontratu ne’e Diretór Ezekutivu SASCAS sr. Edvin D. Soares Noronha husu ba iha organizasaun sosiedade sivíl sira atu implementa fundus ne’e ho didi’ak ba interese ema hotu nian, nune’e bele iha rezultadu ne’ebé ema hotu bele satisfeitu.
Sr. Edvin D. Soares Noronha hateten, nia parte husu husu ba organizasaun hotu atu halo planu ba programa sira ne’e ho diak nune’e atu bele ezekuta ona orsamentu subvensaun publika ne’ebé maka SASCAS atribui ona iha tempu besik.
Atu informa katak, serimónia simbolikamente ba asina MoU ho parseiru estratéjiku sira ne’e hala’o tia ona iha loron 28 agostu 2023 iha salaun CNE ne’ebé maka partisipa diretamente husi Visi primeiru Ministru sua exelénsia En. Mariano Asanami Sabino. 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎