𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 13-1𝟬-𝟮𝟬𝟮𝟯: Diretór Ezekutivu SASCAS Edvin D. Soares Noronha hateten katak, membrus Komite desteradus Politika Ataúro atu hahú kuda ai han lokál iha ida-ida nia Munisípiu hodi hasa’e produsaun ai han lokál nune’e labele depende de’it ba ai han ne’ebé maka mai husi rai li’ur.
Edvin D. Soares Noronha afirma katak, sidadaun sira hotu iha Timor-Leste laran tomak tenke hahú ona kuda modo iha ida-ida nia uma oin, labele hanoin maka kuda ai funan ba ema mate, maibé presiza kuda modo iha uma ohin sai hanesan ai-funan maibé ema bele konsumu.
Diretór Ezekutivu SASCAS Edvin D. Soares Noronha hato’o asuntu ne’e liu husi abertura ba formasaun Asesmentu Fundus Rotativus ba membrus KDPA iha Manleuana dili sesta feira semana ne’e.
Enkuantu Edvin D. Soares Noronha komenta, sidadaun hotu iha Timor laran tomak tenke aprende kuda no hakiak animál sira iha ida-ida nia uma, hodi kontribui ba nutrisaun família nia.
Diretór Ezekutivu SASCAS konfesa tuir observasaun ne’ebé iha komunidade barak gosta liu konsumu ai-han husi loja ne’ebé maka kontaminadu ona ho kímika no posibilidade bele estraga ema nia saúde iha futuru. Remata.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀