𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 𝟮9-𝟬𝟵-𝟮𝟬𝟮𝟯:Visi-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sua exelénsia Eng. Mariano Asanami Sabino hala’o enkontru ho Diretór Ezekutivu SASCAS inklui funsionáriu SASCAS.
Aleinde iha enkontru ne’e Diretór Ezekutivu SASCAS atualiza mos servisu funsionáriu sira nian no projetu hamutuk 152 nian ba VPM- MCAS-MDRHC.
Tuir Diretór Ezekutivu SASCAS Sr. Edvin D. Soares Noronha katak, lansamentu ba kontratu subvensaun publika ne’e hahú tia ona iha loron 28 fulan agostu 2023 no daudauk ne’e halo ona kontratu ba projetu hamutuk 146.
Sr. Edvin D. Soares Noronha komenta projetu 152 ne’ebé maka aprovadu iha tinan 2023 projetu 146 maka halo ona kontratu no restante ne’e sei iha hela prosesu no kontinua halo komunikasaun ba malu no projeitu 6 maka sei iha parte jurídiku hodi hare.
Por enkuantu Sr. Edvin D. Soares Noronha aumenta projetu 146 ne’ebé maka asina ona kontratu ne’e projetu 83 maka hala’o ona sira nia atividade iha munisípiu 13 inklui RAEOA, no grandes projetu balun maka labele finansia iha tinan 2023 maka igreja IEAD kongregasaun Jerusalen iha Beloi Munisipiu Atauro maibe IEAD iha Biqueli ne’e komitmentu hela tanba atinji ona 28%.
Iha fatin hanesan Visi-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sua exelénsia Eng. Mariano Asanami Sabino hateten katak, programa sira ne’ebé iha SASCAS presiza reforsa nafatin, no sei iha tan karakter ida maka atu apoia individu balun ne’ebé laiha kondisaun, tanba úniku sanak governu nia ne’ebé ema husu apoia ba primeiru ministru maka SASCAS.
Alende ne’e sua exelénsia Eng. Mariano Asanami Sabino aumenta, SASCAS presiza iha fali elementu foun ida atu ema husi apoia ba iha Primeiru Ministru SASCAS bele tetu no analiza tuir baze no razaun fundamentu depois maka bele fó apoia.
Visi primeiru Ministru sua Exilensia Eng. Mariano Asanami Sabino afirma, tanba sosiál ne’e programadó ona tanba ne’e SASCAS presiza iha sanak ida maka insidente la’ós programadó restu husi ne’e programadór ona hein implementa deit.
Visi primeiru ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sua exelénsia Eng. Mariano Asanami Sabino komenta nia parte apresia ba servisu tomak SASCAS nia no sei kontinua reforsa nafatin ba oin. remata
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 𝗠𝗘́𝗗𝗜𝗔 𝗦𝗔𝗦𝗖𝗔𝗦
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀