Informasaun 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 27-1𝟬-𝟮𝟬𝟮𝟯: sesta feira semana ne’e Forum ONG Timor-Leste, Cruz Vermelha Timor-Leste no Clinika Bairopite hala’o diskusaun ba diálogu nasionál ne’ebé maka tuir planu sei hala’o iha fulan dezembru 2023 iha postu Turiskai.
Tuir Diretór FONGTIL Valentin Pinto hateten katak, atividade sira ne’ebé maka sei hala’o iha diálogu nasionál ne’e maka klínika bairopite sei halo tratamentu gratuita ba sidadaun sira, CVTL mós halo desiminasaun informasaun kona ba dezastre naturais molok tama ba iha eventu diálogu nasionál entre governu ho sosiedade sivíl.
Nia dehan pedidu sira ne’ebé maka mai husi autoridade lokál ba iha governu presiza akumula hotu tia nune’e bele hetan responde di’ak husi governante sira ne’ebé maka sei partisipa iha eventu refere.
Iha fatin hanesan Diretór Ezekutivu SASCAS Edvin D. Soares Noronha informa katak, atividade diálogu ne’e di’ak ba komunidade oinsá maka bele lori netik haksolok ba iha komunidade liuliu halo tratamentu gratuita.
Edvin D. Soares Noronha informa iha diálogu nasionál ne’e komunidade sira mós bele hato’o sira nia preokupasaun ba iha governu nune’e bele toma mós atensaun ba sira.
Por enkuantu Diretór Klinika Bairopite Inacio dos Santos hateten, klínika Bairopite sei hala’o nia atividade tratamentu gratuita iha diálogu ne’e foka mós ba iha oinsá maka hare ba tratamentu fuan, TB no seluk tan.REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀