Informasaun 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 07-11-𝟮𝟬𝟮𝟯: Prezidente Comite 12 dé Novenbru Grigorio Saldanha hateten nia parte husu ba governu liu husi ministériu juventude desportu no kultura atu halo mudansa hodi transforma grupu arte marsial no grupu arte rituál ba desportu hodi kontribui ba dezenvolvimentu.
Enkuantu Grigorio Saldanha komenta C12N nia rekomendasaun sira ne’e ba iha IX governu atu foti dezisaun forte hodi hapara ona Pratika violénsia arte marsial no arte rituál sira ne’ebé halo joven sira hakanek ka oho malu beibeik.
Aleinde ne’e nia dehan presiza halo regra rigorozu ruma ba sira kona ba lei karik la hapara tenke muda tanba lei ne’e ema maka halo entaun bele muda hodi nune’e bele regula joven sira.
Iha fatin hanesan Ministru Juventude, Desportu Arte No Kultura Nélio Isaac sarmento hateten nia parte hare preokupasaun C12N ne’e loos no presiza hadi’a nune’e ema iha nasaun ne’e bele moris hakmatek.
Governante ne’e komenta loos duni iha sosiedade ema barak hakarak envolve grupu arte hodi kompete ba desportu nia maibé ida ne’e individu. REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀