𝐌𝐚𝐧𝐮𝐟𝐚𝐡𝐢 𝟎𝟖 𝐚𝐛𝐫𝐢́𝐥 𝟐𝟎𝟐𝟑: semana kotuk Koordenadór Gabinete Apoio Sosiedade Sivíl(sigla GASC) Eng. Joaquim da Costa Freitas hamutuk ho Prezidente Autoridade Munisípiu Manufahi inaugura ona edifísiu uma Paz Manufahi.
Enkuantu edifísiu uma PAZ ne’e rasik implementa husi ONG Luta ba Futuru ne’ebé maka hetan apoia fundus mai husi SASCAS atual GASC.
Liu husi diskursu Diretór ONG Luta Ba Futuru hateten katak, nia parte fo Agradece ba SASCAS, atuál GASC ne’ebé fo ona apoiu ba inisiativa NGO nian ba Konstrusaun Uma Paz ida ne’e.
Nia aumenta, ba oin sei nafatin esforsu atu tau matan ba Uma Paz ida ne’e nune’e bele asegura nia funsionamentu hodi atende vítima sira ho di’ak.
Entretantu Prezidente Autoridade Munisípiu Manufahi Luis M. da C. Tavares aumenta, nia parte agradese ba SASCAS, atuál GASC nia apoiu hotu no ba Organização sosiedade sivíl (Osc) nu’udar liman ain Governo nian iha baze nune’e presiza koopera hodi servisu ho Governo hodi melhora komunidade nia moris. Osc sira labele sai fali opozisaun ba Governo, karik iha krítika, presiza ida ne’ebé konstrutivu.
Aleinde ne’e Koordenadór Gabinete Apoia Sosiedade Sivíl(siglas GASC) Eng Joaquim da Costa Freistas komenta liu tan katak, tamba ita iha hela prosesu konstrusaun estadu, presiza komponente hotu atu servisu hamutuk liu husi iha komunikasaun no koordenasaun ne’ebé di’ak, OSC hanesan parseria governu nian iha kontestu honestidade, disiplina, responsabilidade, krítika hanesan belun.
Eng Joaquim da Costa Freitas aumenta liu tan katak, iha IX Governo konstitusionál kontinua konsidera Osc sai parseira hodi kompleta governu no servisu sira ne’ebé Governo nia liman la to’o atu halo, sosiedade sivíl nia knaar mak ne’e.
Rekorda katak atividade ne’e hetan partisipasaun husi Coordenador GASC, Amo Pároco Same, Comandante PNTL Munisipiu Manufahi, Respresentante MSSI Munisipiu Manufahi no Presidente Autoridade Munisipiu Manufahi no serimónia ne’e Amu Pároco Fo Bensaun ba Uma Paz ne’e depois Asina Termo Entrega. Remata *
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 M𝗲́𝗱𝗶𝗮 𝐆𝐀𝐒𝐂.
Editór notísia : Jonito Ronaldo