informasaun Media SASCAS data 19-04-2023: kuarta feira semana ne’e Diretór Ezekutivu SASCAS-PM ho nia ekipa observa no halo monitorizasaun ba fatin indústria ai-Kulat Mutin iha Munisipiu Ermera Postu Railacco, suku Fatuquero ne’ebé maka konstrui husi SASCAS-PM.
Tuir Diretór Ezekutivu SASCAS-PM Sr. Edvin D. Soares Noronha hateten, monitorizasaun ba fatin indústria ai-kulit mutin ne’e atu hare prosesu konstrusaun ba uma ne’ebé maka finansia husi SASCAS-PM.
Sr. Edvin D. Soares Noronha aumenta Ai-Kulat mutin nu’udar ai han ne’ebé maka ninia nutrisaun di’ak ba iha ema nia saúde, no hanesan indústria ne’ebé maka Timor-Leste iha ona presiza dezenvolve di’ak liu tan iha futuru oin mai.
Maski nune’e Sr. Edvin D. Soares Noronha hateten, Timor-Leste hetan ona ninia Ukun an besik ona tinan 21, presiza tebes hamosu ona ninia indústria rasik nune’e labele dependénsia de’it ba pais viziñu sira.
Hafoin hala’o tia observasaun ba fatin produsaun ai-kulat mutin nian, diretór ezekutivu SASCAS-PM enkoraja nafatin ba joven sira atu badinas servisu, no SASCAS prontu nafatin akompaña nune’e ba futuru labele ona dependénsia ba pais viziñu sira. 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎 𝑆𝐴𝑆𝐶𝐴𝑆-𝑃𝑀