𝐃𝐢𝐥𝐢 𝟐3-𝐣𝐚𝐧𝐞𝐢𝐫𝐮 -𝟐𝟎𝟐𝟒: pastór sira husi Igreja Evanjélika Asembleia Dé Deus hala’o enkontru ho Coordenador Assunto Soasiedade Civil é Diretór Ezekutivu SASCAS Eng. Joaquim da Costa Freitas.
Objetivu husi enkontru ne’e atu rona informasaun balun husi Coordenador Assunto Soasiedade Civil é Diretór Ezekutivu SASCAS kona ba asesu fundus sosiedade sivíl ba tinan 2024 nian.
Iha enkontru Coordenador Assunto Soasiedade Civil é Diretór Ezekutivu SASCAS Eng. Joaquim da Costa Freitas hateten sorumutu ida ne’e nia objetivu maka atu hare azustamentu ba kritéria sira ne’ebé maka ekipa SASCAS publika ona atu jere fundus sosiedade sivíl 2024.
Eng. Joaquim da Costa Freitas afirma IX governu konstitusionál konsidera nafatin orsamentu ba iha sosiedade sivíl sira, tanba ne’e maka Confençoes Religiosos, tama hotu ba iha sosiedade sivíl, tanba dadaun ne’e iha ona Denominasaun hamutuk 38, tanba ne’e SASCAS sei jere hodi hare ba kritéria hotu.
Aleinde ne’e Eng. Joaquim da Costa Freitas hateten, tinan 10 ona investe ba iha parte konstrusaun, tanba ne’e hahú agora ba oin tenke investe fali iha ema, atu promove boa governasaun no edukasaun sívika.Remata*
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 𝗺𝗲́𝗱𝗶𝗮 𝗦𝗔𝗦𝗖𝗔𝗦.