𝐈𝐧𝐟𝐨𝐫𝐦𝐚𝐬𝐚𝐮𝐧 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 27-𝟏𝟏-𝟮𝟬𝟮𝟯: Plataforma Nasionál Bee, Saneamentu no Ijiene Timor-Leste (PN-BESI-TL) hala’o programa Auditoria Sosiál liuhusi atividade enkontru Kartaun Pontuasaun Komunidade (KPK), ne’ebé hala’o iha suku 4 (Suku Beiseuk, Lalawa, Maudemu no Kasabauk) iha postu Administrativu Tilomar, Munisípiu Covalima, atividade ne’e hala’o durante loron 4 nia laran 21-22-23 to 25 Novembru 2023.
Tuir informasaun ne’ebé maka Média SASCAS asesu husi pájina (PN-BESI-TL) katak, Objetivu enkontru ne’e atu identifika problema komunidade sira nia Asesu ba Fornesementu Bee moos iha Komunidade Suku Tarjetu hirak ne’e, inklui oinsá mak bele buka Solusaun Hamutuk .
Enkuantu Mekanizmu enkontru ne’e atu hetan Problema no Deskobrementu sira identifika rasik husi komunidade sira iha Suku 4 .
Programa ne’e realiza tanba hetan Apoiu másimu husi Serviço dé Apoio à Sociedade Civil é Auditoria Social (SASCAS, Ip) no koopera servisu hamutuk ho Autoridade Lokál sira inklui Grupu Ativista Komunidade (GAK) iha Suku. REMATA*
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀