𝐈𝐧𝐟𝐨𝐫𝐦𝐚𝐬𝐚𝐮𝐧 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 30-𝟏𝟏-𝟮𝟬𝟮𝟯: xefe gabinete administrasaun munisípiu Manufahi Filomeno Tilman ne’ebé maka reprezenta administradór munisípiu hateten, hahú agora ba oin ekipa preparasaun ba diálogu nasionál tenke hahú servisu ona ho másimu.
Nia dehan servisu sira ligadu ba Estrada komisaun tenke koordena ona ho IGE atu melhora Estrada sira ne’ebé maka rai monu, nune’e bele fó oportunidade ba transporte sira ne’ebé maka komunidade sira utiliza hodi partisipa iha diálogu nasionál entre sosiedade sivíl, komunidade no governu.
Maske nune’e Filomeno Tilman komenta, administradór Postu Turiskai tenke hahú ona koordena ho xefe suku no xefe aldeia sira atu servisu hamutuk hodi realiza eventu nasionál ne’ebé maka sei hala’o iha postu Turiskai munisípiu Manufahi.
Aleinde ne’e Filomeno Tilman aumenta bainhira eventu ne’e maka la’o ho di’ak no susesu iha postu Turiskai maka sei foti munisípiu Manufahi nia naran morin iha Timor-Leste.
Iha fatin hanesan komandante PNTL postu Turiskai hateten, eventu nasionál ne’ebé maka hala’o iha Turiskai parte PNTL sei garantia seguransa la’o ho di’ak ba ema hotu, nune’e diálogu nasionál ne’e bele la’o ho susesu.
Atividade diálogu nasionál ne’e organiza husi FONGTIL no suporta finansiamentu husi Serviço dé Apoio à Sociedade Civil é Auditoria Social (sigla SASCAS. )REMATA*
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂s