𝐋𝐢𝐪𝐮𝐢𝐬𝐚 𝟑𝟏-𝐉𝐚𝐧𝐞𝐢𝐫𝐮 -𝟐𝟎𝟐𝟒: semana kotuk(25/01/2024), SASCAS servisu hamutuk ho Forum ONG Timor-Leste, SASCAS halo Sosializasaun “Manuál Jestaun ba Fundu Sosiedade Sivíl” ba Membru ONG Rejiaun Oeste ne’ebé kompostu husi Munisípiu Likisá, Ermera no Bobonaru.
Enkuantu Objetivu prinsipál husi sosializasaun ne’e atu introdús prosedimentus no regras sira kona-ba atribuisaun no implementasaun fundu nian ho nune’e hodi gia Instituisaun relevantes no mós Organizasaun Sociedade Civil sira ninia aplikasaun proposta ba SASCAS.
Aleinde iha Sosializasaun ne’e Diretor Ezekutivu FONGTIL, Valentim da Costa Pinto Koordenadór Assuntu Sociedade Civil Gabineti Vice Primeiru-Ministru, Eng. Joaquim da Costa Freitas no abertura husi Liquica Prezidenti Autoridade Munisipiu Liquica, Sr. Paulino Ribeiro.
Iha intervensaun Diretor Ezekutivu FONGTIL Valentim da Costa Pinto hatete enkontru sosializasaun ne’e ho prezensa Prezidenti Autoridade Munisipiu nian, nu’udar justifikasaun parseiru entre organizasaun sosiedade sivíl ho Prezidenti Autoridade Munisipiu no espera bele servisu hamutuk di’ak liu tan iha futuru.
Diretór FONGTIL mós informa katak, sosializasaun ne’e SASCAS sei fahe informasaun matadalan ba jestaun fundu sosiedade sivíl atu organizasaun sosiedade sivíl sira bele hatene ninia konteúdu sira, tanba Organizasaun sosiedade sivíl nu’udar parseiru krítiku no mós kontribuisaun ba rai ne’e nia di’ak no Sociedade sivíl tenke asegura independénsia no nu’udar kontrolu sosiál ne’ebé di’ak.
Aleinde ne’e, Koordenadór Assesoria Sosiedade sivíl e Diretór SASCAS Eng. Joaquim da Costa Freitas, hatete organizasaun sosiedade sivíl nu’udar parseiru governu nian iha prosesu dezenvolvimentu nasionál.
Eng. Joaquim da Costa Freitas aumenta sosializasaun ba manuál jestaun fundu sosiedade sivíl ne’e sei ajuda organizasaun sosiedade sivíl sira ninia aplikasaun proposta.
Koordenadór mós salienta katak, tinan oin SASCAS mós halo asesmentu ba organizasaun sosiedade sivíl tomak iha Timor-Leste ne’ebé servisu ho komunidade no nia baze iha komunidade sira iha área rurál no SASCAS mós sei servisu hamutuk ho FONGTIL hodi realiza diskusauun meza kabuar (sigla round table discussion) kona-ba konseitu sosiedade sivíl iha Timor-Leste.
Iha fatin hanesan Prezidenti Autoridade Munisipiu Liquisa aumenta katak organizasaun sosiedade sivíl nu’udar parseiru governu nian no iha vida demokrátika presiza sosiedade sivíl ninia kontribuisaun.
Prezidente Autoridade ne’e mós enkoraja organizasaun atu nafatin halo kontrolu sosiál, kritika no rekomenda ba governu no liu husi sosializasaun matadalan ba jestaun fundu sosiedade sivíl ne’e bele ajuda organizasaun sosiedade sivíl sira bele hare problema ne’ebé mak povu hasoru iha setór oin-oin.* Remata.
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗲𝘀𝗶𝗮𝗹 𝗺𝗲́𝗱𝗶𝗮 𝗦𝗔𝗦𝗖𝗔𝗦.