Informasaun 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 27-1𝟬-𝟮𝟬𝟮𝟯: Visi Primeiru Ministru, Ministru Koordenadór Asuntus Sosiais No Ministru Dezenvolvimentu Rurál No Abitasaun Komunitária Eng. Mariano Asanami sabino konkorda diálogu nasionál ne’ebé maka organiza husi FONGTIL no finansiamentu husi SASCAS hala’o iha Postu administrativa Turiskai Munisípiu Manufahi.
Tuir Diretór Ezekutivu SASCAS Edvin D. Soares Noronha katak, diálogu nasionál ne’ebé daudauk ne’e SASCAS hamutuk ho nia parseiru sira FONGTIL,CVTL, CBPL identifika ona maka sei hala’o iha Postu Turiskai área Mandelo tanba ne’e maka ekipa marka Audensia ho V-PM atu hare ba ninia oráriu.
Iha fatin hanesan Diretór Ezekutivu FONGTIL Valentin Pinto hateten katak, FONGTIL identifika diálogu nasionál ne’e hala’o iha postu Turiskai área Mandelo tanba fatin ne’e hanesan istória ba saudozu Prezidente Repúblika Nicolao Lobato nia mate.
Hafoin rona tia parte hotu nia ideia Visi Primeiru Ministru, Ministru Koordenadór Asuntus Sosiais No Ministru Dezenvolvimentu Rurál No Abitasaun Komunitária Eng. Mariano Asanami sabino konkorda ho fatin ne’e maibé presiza hare didi’ak ninia data ba diálogu nasionál ne’e.
Eng. Mariano Asanami Sabino aumenta, nia parte sei partisipa iha diálogu entre sosiedade sivíl ho governu tanba ne’e tenke hare data ne’e didi’ak labele deside de’it 7 dé dezembru maibe tenke hare tan data seluk. REMATA
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 MÉDIA SASCAS
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀