Informasaun Media SASCAS data 28-08-2023: Vice Primeiru Ministru sua exelénsia Eng Mariano Asanami Sabino lansa ona website Media SASCAS nian ba iha públiku atu akompaña direita atividade tomak iha SASCAS.
Liu husi diskursu Vice Primeiru Ministru Sua Exelénsia Eng Mariano Asanami Sabino hateten katak, grasa maromak nia nia parte bele lansa ona website média SASCAS nia hanesan Plataforma online governu nia atu kontinua disemina informasaun sosiedade sivíl nia ba iha públiku.
Nunee mos Visi Primeiru Ministru, Mariano Asanami Sabino hatutan, lansa website ida para halo komunikasaun diak liu, no governu hatene katak, governu ida nee dezde inisiu kedas iha komitmentu atu sosiedade sivil tenki forti siblizasaun tenki lao, edukasaun sivika tenki lao reforsa liu tan organizasaun para bele sai forti.
vice Primeiru Ministru Sua Exelénsia Eng Mariano Asanami Sabino komenta katak, plata forma website média SASCAS ne’e, atu serví Timor-Leste no komunidade tomak hodi hatuur di’ak liu tan Estadu Direitu Demokrátiku ida ne’e.
iha fatin hanesan Diretór Ezekutivu SASCAS Sr. Edvin D. Soares Noronha hateten katak, Timor-Leste agora tama ona iha era dijitalizasaun no governu mós iha nia polítika ida maka governu dijitalizasaun, tanba ne’e maka SASCAS hahú konsolidasaun no preparasaun atu responde ba polítika governu nia tuir mai, atu nune’e ba iha futuru la presiza ona manuál husi parte sosiedade sivíl sira.
Aleinde ne’e Sr. Edvin D. Soares Noronha konfesa ho plataforma website ne’e hanesan meius ida hodi disemina informasaun kada loron husi SASCAS nian ba iha públiku atu hatene kona ba polítika no mata dalan SASCAS nia.
Sr. Edvin D. Soares Noronha hatete plataforma Média SASCAS ninia website ne’e bele ona responde ba informasaun sira husi sosiedade sivíl, grupu, no rezisténsia ne’ebé maka asesu ba iha fundus SASCAS nune’e públiku bele hatene hodi julga ninia progresu sira.
Fó hanoin fila fali ba iha públiku katak, inisiador ba iha website ne’e mai husi Diretór Ezekutivu SASCAS ho funsionariu tomak no dezenvolve husi parte IT no Media, daudauk ne’e SASCAS iha ona ninia plataforma online hanesan YouTube, TV Online SASCAS, Pajina SASCAS no Website www.sascas.gov.tl 𝑅𝑒𝑚𝑎𝑡𝑎*
𝐼𝑛𝑓𝑜𝑟𝑚𝑎𝑠𝑎𝑢𝑛 𝑂𝑓𝑖𝑠𝑖𝑎́𝑙 ℎ𝑢𝑠𝑖 𝑀𝑒́𝑑𝑖𝑎