𝗜𝗻𝗳𝗼𝗿𝗺𝗮𝘀𝗮𝘂𝗻 𝗠𝗲𝗱𝗶𝗮 𝗦𝗔𝗦𝗖𝗔𝗦 𝗱𝗮𝘁𝗮 𝟮9-𝟬𝟵-𝟮𝟬𝟮𝟯: Visi-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sua exelénsia Eng. Mariano Asanami Sabino hateten, ONG sira ne’ebé maka la hetan apoia husi Governu SASCAS iha devér organiza sira atu hare programa ne’ebé ONG sira implementa di’ak ka lae no fó benefísiu ba povu duni ou lae.
sua exelénsia Eng. Mariano Asanami Sabino aumenta presiza kontrola atu hare sira nia programa sira se lae ONG sira balun foti dadus balun la loos hodi hateten kiak sei barak nune’e sira bele hetan apoia ba sira nia projetu sira.
“keta ba nia halo programa sukat ita sai kiak, sukat ita sai malnutrisaun no sukat ita hahán laiha sukat buat sira ne’e hotu depois ikus mai sira utiliza dadus ne’e hodi konta fali ita-nia kiak nune’e halo fali projetu ba ita” tenik sua exelénsia Eng. Mariano Asanami Sabino
Enkuantu Sua Exelénsia Eng. Mariano Asanami Sabino aumenta servisu auditoria sosiál ne’e la’ós halo de’it auditoria ba governu nia halo mos ba ONG nasionál no Internasional sira.
“tanba ita iha orsamentu kategoria 3 maka orsamentu jerál dó estadu ne’ebé mai husi fundu mina-rai no tasa, orsamentu ne’ebé apoia husi doadór sira, seluk maka orsamentu empréstimu tanba ne’e governante sira tau matan hotu ba fundus sira ne’e la’ós hare de’it ba ida ne’ebé maka nia kaer”. Tenik sua exelénsia Eng. Mariano Asanami Sabino. remata
𝗜𝗻𝗳𝗼𝗿𝗺𝗮𝘀𝗮𝘂𝗻 𝗢𝗳𝗶𝘀𝗶𝗮́𝗹 𝗛𝘂𝘀𝗶 𝗠𝗘́𝗗𝗜𝗔 𝗦𝗔𝗦𝗖𝗔𝗦
𝘆𝗼𝘂𝗧𝘂𝗯𝗲: 𝗧𝘃 𝗼𝗻𝗹𝗶𝗻𝗲 𝗦𝗔𝗦𝗖𝗔𝗦
𝗘𝗱𝗶𝘁𝗼́𝗿 𝗡𝗲𝘄𝘀 : 𝗝𝗼𝗻𝗶𝘁𝗼 𝗥𝗼𝗻𝗮𝗹𝗱𝗼 𝗱𝗲 𝗝𝗲𝘀𝘂𝘀